థియేటర్లలో నవ్వులు గట్టిగా వినిపిస్తాయ్‌.. ‘ ‘మజాకా’ సినిమా రెండు గంటలపాటు లాఫ్‌ రైడ్‌గా ఉంటుంది. థియేటర్లలో నవ్వులు చాలా గట్టిగా వినిపిస్తాయి. నా కెరీర్‌లోనే ఈ సినిమా పెద్ద హిట్‌గా నిలుస్తుంది.

థియేటర్లలో నవ్వులు గట్టిగా వినిపిస్తాయ్‌..
‘ ‘మజాకా’ సినిమా రెండు గంటలపాటు లాఫ్‌ రైడ్‌గా ఉంటుంది. థియేటర్లలో నవ్వులు చాలా గట్టిగా వినిపిస్తాయి. నా కెరీర్‌లోనే ఈ సినిమా పెద్ద హిట్‌గా నిలుస్తుంది.’ అని హీరో సందీప్‌ కిషన్‌ నమ్మకం వ్యక్తం చేశారు. ఆయనా, రీతువర్మ జంటగా నటించిన చిత్రం ‘మజాకా’. నక్కిన త్రినాథరావు దర్శకుడు. రాజేష్‌ దండా నిర్మాత. ఈ నెల 27న సినిమా విడుదల కానుంది. ఈ సందర్భంగా ఆదివారం హైదరాబాద్‌లో ఏర్పాటు చేసిన ట్రైలర్‌ లాంచ్‌ కార్యక్రమంలో సందీప్‌ కిషన్‌ మాట్లాడారు.ఈ సినిమాకోసం ప్రాణం పెట్టి పనిచేశామని, రావురమేష్‌ పాత్ర సినిమాకు హైలైట్‌గా నిలుస్తుందని సందీప్‌ కిషన్‌ తెలిపారు. దర్శకుడు త్రినాథరావు నక్కిన మాట్లాడుతూ ‘ఓ ఇంట్లో ఇద్దరే మగాళ్లుంటారు. ఎప్పటికైనా ఆ ఇంట్లో ఒక ఫ్యామిలీ ఫొటో రావాలని వారు తపిస్తుంటారు. ఆ తపనే మా ‘మజాకా’ సినిమా. శివరాత్రి రోజు డబుల్‌ మ్యాజిక్‌ చేసే సినిమా ఇది.’ అని చెప్పారు. ఇంకా చిత్ర యూనిట్‌ మొత్తం ఈ కార్యక్రమంలో పాల్గొని మాట్లాడారు. ఇక ట్రైలర్‌ విషయానికొస్తే.. ఓ తండ్రీకొడుకులు.. ఇద్దరు అమ్మాయిలతో ప్రేమలో పడితే?.. అనే కాన్సెప్ట్‌తో ఈ ట్రైలర్‌ ఆద్యతం కామెడీగా సాగింది.